Ռուս-հայկական հարաբերությունները շարունակում են առաջընթաց կերպով զարգանալ. Լավրով
Ռուսաստանի Դաշնության արտաքին գործերի նախարար Սերգեյ Լավրովը Հայաստանի Հանրապետության Անկախության օրվա առթիվ շնորհավորական ուղերձ է հղել ՀՀ ԱԳ նախարար Զոհրաբ Մնացականյանին: Այս մասին հայտնում է Հայաստանում ՌԴ դեսպանության ֆեյսբուքյան էջը:
«Բազմադարյա բարեկամության և դաշնակցային գործընկերության վրա հիմնված ռուս-հայկական հարաբերությունները շարունակում են առաջընթաց կերպով զարգանալ: Մեր երկրները միջազգային և տարածաշրջանային հարթակներում արդյունավետ կերպով փոխգործակցում են ընդհանուր ինտեգրացիոն միավորումների շրջանակում»,- ասվում է Լավրովի շնորհավորական ուղերձում:
ՌԴ արտգործնախարարը պատրաստակամություն է հայտնել առաջիկայում ևս շարունակել երկկողմ համագործակցությունը՝ հանուն եղբայրական պետությունների և ժողովուրդների բարօրության, խաղաղության և անվտանգության:
