Շոտլանդիայում խորհրդարանի աշխատանքի դադարեցումը սև օր են համարել Մեծ Բրիտանիայի համար
Մեծ Բրիտանիայի կառավարության կողմից խորհրդարանի աշխատանքի դադարեցումը սեւ օր կդառնա բրիտանական ժողովրդավարության համար: Օգոստոսի 28-ին այս կարծիքն է հայտնել Շոտլանդիայի առաջին նախարար Նիկոլա Սթերջենը։
«Ինչպես երեւում է, (Մեծ Բրիտանիայի վարչապետ) Բորիս Ջոնսոնը կդադարեցնի խորհրդարանի աշխատանքը, որպեսզի ուժով անցկացնի առանց համաձայնագրի Brexit-ը: Եթե խորհրդարանի անդամները հաջորդ շաբաթ չմիավորվեն նրան կանգնեցնելու համար, դա պատմության մեջ կմտնի որպես սեւ օր բրիտանական ժողովրդավարության համար»,- գրել է Սթերջենը Twitter-ում, հաղորդել է ՏԱՍՍ-ը:
