Դեմբելեն ակնարկել է Instagram-ում, որ հեռանում է «Բարսելոնայից»
Այն բանից հետո, երբ Ուսման Դեմբելեն ստացավ ևս մեկ վնասվածք և ֆիզիկական զննության ենթարկվելու փոխարեն՝ մեկնեց Ֆրանսիա՝ մոր մոտ (կամ հանգստանալու Աֆրիկայում՝ ըստ այլ աղբյուրների), թիմից հեռանալու մասին լուրերը սկսեցին ավելի ու ավելի հաճախ հայտնվել:
Ֆրանսիացին դրանք ավելի է թեժացնում: Ոչ այնքան վաղուց, Դեմբելեն Instagram-ում հեռացրել է «Բարսելոնայի» մասին հիշատակումը:
Այժմ ֆուտբոլիստի անձնական էջում միայն նրա անունն ու ազգանունն են:
Հաշվի առնելով այն լուրերը, որ ՊՍԺ-ն Նեյմարի գործարքի շրջանակներում ցանկանում է ձեռք բերել ֆրանսիացուն, այս քայլը շատ լուրջ է թվում: Ֆիլիպե Կոուտինիոն ևս վարվել էր այդ կերպ և մեկ շաբաթ անց լքեց կատալոնական ակումբը:
Սիրարփի Աղաբաբյան
