«Շատ գոհ եմ փրկարարների աշխատանքից. հեսա պրծնենք, սաղին տանելու եմ «Փարվանա», պատիվ տամ». Սամվել Ալեքսանյան. Tert.am
Ազգային ժողովի նախկին պատգամավոր, գործարար Սամվել Ալեքսանյանը շատ լավ է գնահատում նախօրեին «Մալաթիա մոլում» փրկարար ծառայության աշխատակիցների աշխատանքը: Այս մասին նա նշել է Tert.am-ի հետ զրույցում:
«Շատ լավ եմ գնահատում աշխատանքը, ես երեկ չեմ դժգոհել, թե ո՞նց էին լրագրողները հասկացել, որ դժգոհել եմ»,-ասել էնա:
Հիշեցնենք, որ երեկ դեպքի վայր ժամանած ոստիկանապետ Վալերիյ Օսիպյանին Սամվել Ալեքսանյանն ասել էր, որ չի հաջողվել հանգցնել հրդեհը. «Ցավդ տանեմ, մի հարկը կպավ, չհանգցրին, կպավ երկրորդը, չհանգցրին, կպավ երրորդը… տարբեր հարկեր վառվում են: ԱԻՆ մեքենաները նոր շատացան, էն վախտ որ շատ գային, սենց չէր լինի, սկզբից չորս հատ երկու տոննանոց մեքենա էր եկել, նոր մեքենաներն եկան»:
Սամվել Ալեքսանյանը Tert.am-ին ասել է նաև, որ դեռ չգիտի՝ որն է եղել հրդեհի պատճառը, բայց կրկնեց. «Շատ նորմալ մեր փրկարար ժողովուրդն աշխատում էր, շատ գոհ եմ, շատ շնորհակալ եմ: Հեսա պրծնենք, սաղին տանելու եմ «Փարվանա», պատիվ տամ»,- նշել է նա:
Մանրամասները՝ սկզբնաղբյուր կայքում:
