Եթե պարզվի, որ անվտանգ է հանքի շահագործումը, կրկին դեմ կլինե՞ք. Նիկոլ Փաշինյանը՝ Ջերմուկի բնակչին

Ինչպես արդեն տեղեկացրել ենք՝ Նիկոլ Փաշինյանն ու Սուրեն Պապիկյանը մեկնել են Ջերմուկ, որտեղ նախատեսում են հանդիպել բնակիչների հետ և լսել նրանց կարծիքը Ամուլսարի շահագործման վերաբերյալ:

Նիկոլ Փաշինյանն այցելեց բնակիչներից մեկի բնակարան: Նա՝ դիմելով տանտիրուհուն, հարցրեց, թե ինչպես են վերաբերում Ամուլսարի գործունեությանը: Տիկինը պատասխանեց, որ դեմ են:

Նիկոլ Փաշինյանի հաջորդ հարցին՝ իսկ եթե պարզվի, որ անվտանգ է հանքի շահագործումը, տիկինը կրկին պնդեց իր տեսակետը՝ ասելով, թե՝ «կուրորտային քաղաքում չպետք է հանք լինի»:

Այնտեղից դուրս գալուց Նիկոլ Փաշինյանին դիմավորեցին մի խումբ մարդիկ: Նիկոլ Փաշինյանն ասաց, որ ինքը եկել է շրջելու և մարդկանց հետ զրուցելու, սակայն նրան պատասխանեցին, որ այս պահին թվով 1500 մարդ հավաքվել է Ջերմուկի կենտրոնում, ու տներում միայն մեծահասակներ են:

Ջերմուկի կենտրոնում հավաքված քաղաքացիները որոշում կայացրին երթով շարժվել դեպի Ջերմուկի քաղաքապետարան:

https://www.facebook.com/nikol.pashinyan/videos/488365625275077/?__tn__=%2CdkC-R&eid=ARBrMbfb2QHwcNPCDLvtpDarUp_ai9daALYarK29GtiQAUqwuvp8qpFRGnWUnrcpHzr2Yz8sbp5cY5Ie&hc_ref=ARQMuYtBKDug8zOXJsh3qYs09zOrmWtrizvs3-XpORjPD1vJcpUYWZKPeeQK6ld0EDM

Նա հավաքված կանացից մեկի առաջարկությամբ այցելեց նրա բնակարան:

Մանրամասները՝ տեսանյութում

https://www.facebook.com/nikol.pashinyan/videos/458286601433974/?__tn__=kC-R&eid=ARAcPqRi_gjBmNvuf4XxduubjqWF4u55qOGzdpxoy_9LxUwGznSTcU5OCS4yMUtkZCTJXspN4x-fNhTZ&hc_ref=ARRtgGijddjPVoWi5FxV6Qh_I7DMO7HxoPV37gDK8-dqaG0Zy8LgXmSrNQ-_JOwRmgg&fref=nf