Կրակոց` գիշերվա կեսին
Օգոստոսի 17-ին, ժամը 03.50-ին, ոստիկանության Երևան քաղաքի վարչության ՊՊԾ գնդի ծառայողները Չարենցի փողոցից, խուլիգանություն կատարելու կասկածանքով, Մարաշի բաժանմունք բերման են ենթարկել Գեղարքունիքի մարզի բնակիչ 27-ամյա մի տղամարդու:
Նրա անձնական խուզարկությամբ հայտնաբերվել է «Մակարով» տիպի օդամղիչ ատրճանակ՝ պահունակով: Երիտասարդը ատրճանակով մեկ անգամ օդ էր կրակել՝ կոպիտ կերպով խախտելով հասարակական կարգը:
Նշանակվել է դատաձգաբանական փորձաքննություն:
Նախապատրաստվում են նյութեր:
