Նովոսիբիրսկում ավտովթարից Հայաստանի քաղաքացի է զոհվել
Ռուսաստանի Դաշնության Նովոսիբիրսկի շրջանում միկրոավտոբուսի վթարից Հայաստանի Հանրապետության քաղաքացի է զոհվել: Այս մասին հայտնում է ՏԱՍՍ-ը:
Մասնավոր միկրոավտոբուսը օգոստոսի 18-ի գիշերը վթարի է ենթարկվել Նովոսիբիրսկ-Կոչկի-Պավլոդար մայրուղու վրա: Նախնական տվյալներով` վարորդը կորցրել է մեքենայի կառավարումը:
Լրատվամիջոցը ՀՀ քաղաքացիություն ունեցող մահացած կնոջ ինքնության վերաբերյալ տեղեկություններ չի հաղորդում:
Գործակալության տվյալներով` տուժողների մեջ կան նաև Ղրղզստանի և Ուզբեկստանի քաղաքացիներ:
