Գյումրու օդանավակայանի տարածքում մոտ 15 հա խոտածածկույթ է այրվել
ՀՀ արտակարգ իրավիճակների նախարարության «911» ծառայությունն oգոստոսի 9-ին, ժամը 15:55-ին ահազանգ է ստացել, որ Շիրակի մարզի Գյումրի քաղաքի օդանավակայանի տարածքում այրվում է խոտածածկ տարածք:
Դեպքի վայր է մեկնել ԱԻՆ փրկարար ծառայության հրշեջ-փրկարարական ջոկատի մեկ մարտական հաշվարկ:
Ինչպես տեղեկացրին ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից, հրդեհը մեկուսացվել է ժամը 17:00-ին, մարվել՝ 17:18-ին: Այրվել է մոտ 15 հա խոտածածկույթ:
