SpaceX լուսնային տիեզերանավն առաջին փորձնական թռիչքն է կատարել
Տիեզերանավը 20 մետր բարձրացել է օդում: Շուտով այն կբարձրանա 10 անգամ ավելի բարձր:
SpaceX-ի կողմից ստեղծված Starship տիեզերանավի նախատիպը, որը հայտնի է՝ որպես Starhopper, Տեխասում (ԱՄՆ) փորձարկվել է օդում: Փորձարկման տեսանյութը Twitter-ում տեղադրվել է ամերիկյան ընկերության ղեկավար Իլոն Մասկի կողմից:
Գործարարը նշել է, որ փորձարկումը հաջող էր:
NASASpaceFlight.com-ի տվյալներով, Starship-ի նախատիպը բարձրացել է մոտ 20 մետր, այնուհետև շարժվել է մի քանի մետր դեպի աջ: Ամերիկյան հրատարակությունը գրում է, որ Մասկը ծրագրում է մեկ կամ երկու շաբաթվա ընթացքում մեկ այլ փորձարկում կատարել՝ բարձրացնելով նախատիպը 200 մետր:
Ավելի վաղ Starhopper-ի փորձարկումներն ուղեկցվել էին հրդեհներով. սկզբում հրդեհ էր առաջացել տիեզերանավի վրա, այնուհետև հրդեհվել էր նաև շարժիչը:
2018 թվականի նոյեմբերին Մասկը հայտարարել է, որ Falcon 9 հրթիռը երկրորդ փուլում նախատեսվում է վերափոխել BFR (Big Falcon Rocket) փոքր տարբերակով:
Drone cam pic.twitter.com/gVdMrMgUZq
— Treelon (@elonmusk) July 26, 2019
Սիրարփի Աղաբաբյան
