Ավտովթարի հետևանքով մահացած Ռեյեսի 11-ամյա որդին պայմանագիր է կնքել «Ռեալի» հետ
Խոսե Ռեյես Լոպեսը՝ ավտովթարի հետևանքով մահացած Խոսե Անտոնիո Ռեյեսի որդին, հանդես կգա «Ռեալի» կազմում:
Ֆուտբոլիստի որդիներից ավագը (Խոսե Ռեյես Լոպեսը 11 տարեկան է) պայմանագիր է ստորագրել Մադրիդի «Ռեալի» հետ և հանդես կգա «Ռեալի» կրտսերների թիմում: Նրան խոստացել էր իր խնամակալության տակ առնել «Ռեալի» նախագահ Ֆլորենտինո Պերեսը:
«Շատ ուրախ եմ և հպարտ «Ռեալում» նոր փուլ սկսելու համար: Շնորհակալություն եմ հայտնում բոլոր նրանց, ովքեր աջակցում և վստահում էին ինձ, հատկապես ընտանիքիս»,- Ինստագրամի իր էջում գրել է Ռեյես կրտսերը:
Պատրաստեց Անի Գաբուզյանը
