Լևոն Յոլյանը չի պատրաստվում հրաժարվել պաշտոնից
Հայաստանի հաշվեքննիչ պալատի նախագահ Լևոն Յոլյանը չի պատրաստվում հրաժարվել պաշտոնից: Այս մասին այսօր Աժ-ում Յոլյանը հայտարարեց լրագրողներին:
Հարցին՝ շարունակելո՞ւ եք պաշտոնավարել, նա պատասխանեց. «Իհարկե»:
Այլ հարցերի Հաշվեքննիչ պալատի նախագահը հրաժարվեց պատասխանել՝ նշելով, որ վաղը ասուլիս է հրավիրում:
Հիշեցնենք, որ Հայաստանի Հանրապետության հաշվեքննիչ պալատի 2018 թվականի գործունեության վերաբերյալ տարեկան հաղորդման քննարկումների ժամանակ «Լուսավոր Հայաստան» խմբակցության պատգամավոր Արման Բաբաջանյանը խիստ քննադատության ենթարկեց Լ.Յոլյանին՝ նրան մեղադրելով նախկին հանցավոր կապերի ու գորունեության մեջ:
