Կարսի ԱԶԿ-ական գործիչը փառաբանել է նախնիների զավթողական քաղաքականությունը
Թուրքիայում իշխող «Արդարություն և զարգացում» կուսակցության (AKP-ԱԶԿ) Կարսի նահանգային վարչության ղեկավար Ադեմ Չալքընը սոցցանցում գրառում է արել. «Կարսը իսլամ է, Կարսը Թուրքիա է»:
Այս մասին տեղեկացնում ermenihaber.am-ը:
Չալքընը փառաբանել է նախնիների նվաճողական քաղաքականությունը, Անի քաղաքի բռնազավթումը հայերից:
«Հերոսական Կարսը իր ոգին ստացել է Անիի նվաճող Ալփարսլան սուլթանից, իսկ կեցվածքը` Կովկասյան լեռնաշխարհից»,- ասվում է գրառման մեջ:
Նա գրել է, որ Կարսը իսլամ է և Կարսը Թուրքիա: Ըստ նրա՝ թուրքերը գիտեն համախմբվել Կարսի բերդի պես և դիմակայել «հայկական քամուն»:
