«Այսօր ժողովրդի հաշվին բյուջեի գումարն ավելացնելն ընդունելի չի». Գագիկ Ծառուկյան
ԱԺ «Բարգավաճ Հայաստան» խմբակցությունը կողմ չի քվեարկելու Հարկային օրենսգրքի նախագծին: Այս մասին այսօր ԱԺ-ում լրագրողների հետ զրույցում հայտարարեց խմբակցության ղեկավար Գագիկ Ծառուկյանը:
«Այդտեղ շատ կան խնդիրներ, հիմնական պրոբլեմներ: Կան լավ բաներ ու վատ բաներ: Լավ բաներին կողմ ենք քվեարկելու: Համահարթեցման հարցում մենք դեմ ենք լինելու, որովհետև սա լիարժեք անարդարացի է, այսօր ժողովրդի հաշվին բյուջեի գումարն ավելացնելն ընդունելի չի»,- ասաց Ծառուկյանը:
