ԿԽՄԿ-ն հումանիտար օգնություն կտրամադրի Վենեսուելայի բնակչությանը
Կարմիր խաչի միջազգային կոմիտեն հայտարարել է, որ առաջիկա 15 օրերի ընթացքում հումանիտար օգնություն է տրամադրելու Վենեսուելայի բնակչությանը: Ինչպես հաղորդում է ՏԱՍՍ-ը, այս մասին Կարակասում հայտարարել է Կարմիր խաչի և Կարմիր մահիկի հասարակությունների միջազգային դաշնության նախագահ Ֆրանչեսկո Ռոկան:
«Հուսով ենք, որ սկզբնական փուլում կկարողանանք օգնություն տրամադրել 650 հազար մարդու»,- հայտարարել է նա:
