Տավուշում ադրբեջանական կրակոցից հայ գյուղացի է վիրավորվել
Տավուշի մարզում, հուլիսի 21-ին, ժամը 13.10-ին, Բերդ քաղաքում տեղակայված զորամասերից մեկի հոսպիտալից ոստիկանության Տավուշի բաժնում հաղորդում է ստացվել, որ բեկորային վնասվածքով իրենց մոտ բուժօգնության է տեղափոխվել Ներքին Կարմիրաղբյուր գյուղի բնակիչ, 25-ամյա Գոռ Փ.-ն:
Ըստ ոստիկանության մամլո ծառայության հաղորդագրության՝ պարզվել է, որ նա վնասվածքն ստացել է նույն օրը, ժամը 12.00-ի սահմաններում, նշված գյուղի «Զաղի ճամփի տակ» կոչվող տարածքում գյուղատնտեսական աշխատանքներ կատարելիս՝ Ադրբեջանի հենակետից արձակված կրակոցից: Նշանակվել է դատաբժշկական փորձաքննություն: Կատարվում է քննություն:
