Մոսկվայում հողին հանձնեցին դերասան Սերգեյ Յուրսկուն
ՌԽՖՍՀ ժողովրդական արտիստ Սերգեյ Յուրսկուն այսօր հողին են հանձնել Մոսկվայի Տրոեկուրովյան գերեզմանատան 21-րդ տեղամասում՝ այսպես կոչված Դերասանների ծառուղում, տեղեկացնում է Life-ը:
Յուրսկու գերեզմանը հեռու չէ դերասանուհի Նատալյա Կրաչկովսկայայի, գրողներ Վլադիմիր Վոյնովիչի եւ Էդուարդ Ուսպենսկու, կոմպոզիտոր Վլադիմիր Շայինսկու շիրիմներից: Յուրսկուն վերջին անգամ հրաժեշտ տալու էին եկել նրա բազմաթիվ գործընկերներն ու երկրպագուները:
Հիշեցնենք, որ խորհրդային եւ ռուս դերասան, թատրոնի ռեժիսոր, սցենարիստ Սերգեյ Յուրսկին 83 տարեկան հասակում մահացել է լույս փետրվարի 8-ի գիշերը սրտի կանգի հետեւանքով:
