Սորոսի և ՀՀ պատվիրակության միջև Դավոսում հանդիպում չի եղել, Հայաստան այցելելու որևէ պայմանավորվածություն չկա. Aysor.am
Դավոսում Հայաստանի պատվիրակության և Բաց հասարակության հիմնադրամների (Open Society Foundations) հիմնադիր, գործարար և բարերար Ջորջ Սորոսի միջև որևէ հանդիպում նախատեսված չի եղել և չի էլ կայացել, Aysor.am-ի հարցմանն ի պատասխան հայտնեցին ՀՀ կառավարության տեղեկատվության և հասարակայնության հետ կապերի վարչությունից։
«Դավոսում Հայաստանի պատվիրակության և Ջորջ Սորոսի միջև որևէ հանդիպում նախատեսված չի եղել և չի էլ կայացել։ Ջորջ Սորոսի՝ Հայաստան այցելելու հետ կապված որևէ պայմանավորվածություն չկա», – փոխանցել է կառավարության տեղեկատվության և հասարակայնության հետ կապերի վարչության պետի տեղակալի պաշտոնակատար Արմեն Խաչատրյանը։
Վարչապետ Նիկոլ Փաշինյանի գլխավորած պատվիրակությունը, հիշեցնենք, հունվարի 22-25-ը մասնակցում էր Շվեյցարիայի Դավոս քաղաքում կայացած միջազգային տնտեսական համաժողովին։
Ավելի վաղ Ջորջ Սորոսը կարևորել էր Հայաստանի քաղաքացիական հասարակությանն աջակցությունը: Twitter-ի իր միկրոբլոգում նա գրել էր. «Հայաստանի քաղաքացիական հասարակությանը հզոր աջակցությունը կենսականորեն կարևոր է երկրի ժողովրդավարական ներկայի և ապագայի համար»:
Strong support of Armenia's civil society is vital to the country's democratic present and future. https://t.co/iBRZ2ZquKN
— George Soros (@georgesoros) February 2, 2019
Մանրամասները՝ սկզբնաղբյուր կայքում:
