Եղվարդի խճուղու սկզբնամասում բախվել են 5 ավտոմեքենաներ. կա տուժած
Նոյեմբերի 8-ին, ժամը 21:34-ին «911» ծառայությանն ահազանգ է ստացվել, որ Երևան քաղաքի Եղվարդի խճուղու սկզբնամասում տեղի է ունեցել ՃՏՊ, կա տուժած. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ Եղվարդի խճուղու 108 հասցեում գտնվող «Օդալեն» ռեստորանի մոտակայքում բախվել են «Volkswagen» մակնիշի (վարորդը` Հ. Հ.), «Volkswagen golf» (վարորդը` Գ. Մ.), «Opel Zafira» (վարորդը` Ա. Մ.), «Nissan» (վարորդը` Մ. Հ.) և «Volkswagen golf» մակնիշերի ավտոմեքենաները:
Կտրվի լրացուցիչ տեղեկություն:
