«Իսպանիայի հավաքականում կխաղան մարզումներում լավագույնները». Լուիս Էնրիկե
Իսպանիայի ազգային հավաքականի գլխավոր մարզիչ Լուիս Էնրիկեն իր սպասելիքներն է կիսել Ուելսի հետ ընկերական հանդիպումից առաջ:
«Բոլոր նրանք, ովքեր հրավիրվել են հավաքական և լավ են աշխատում, կստանան խաղաժամանակ: Իսպանիայի հավաքականում կխաղան մարզումներում լավագույնները:
Մենք մի քանի մարզում ենք ունեցել, բայց այդ մարզումներից մեկն է եղել ինտենսիվ և դուր եկել ինձ:
Առաջիկա խաղի արժեքը մեծ է: Դրա համար միավոր չի տրվի, բայց մենք գտնվում ենք այն փուլում, երբ ամեն խաղը կարևոր է: Սա իմ ուղերձն է խաղացողներին:
Մենք չենք փոխի մեր ոճը: Մենք վերլուծել ենք Ուելսի խաղը՝ հաշվի առնելով Բեյլի ներկայությունը խաղում: Նա օգնում է թիմին երկու բաղադրիչներով` արագություն և հարձակում»,- նշել է Էնրիկեն:
Սիրարփի Աղաբաբյան
