Հնդկաստանում ավտովթարի հետեւանքով զոհվել է 15 մարդ
Հնդկաստանի Ջամմու և Քաշմիր նահանգում միկրոավտոբուսը դուրս է եկել երթևեկելի գոտուց և ընկել ձորը: Ինչպես տեղեկացնում է ՏԱՍՍ-ը, այս մասին հայտնում է PTI հնդկական լրատվական գործակալությունը: Ավտովթարի հետևանքով 15 մարդ զոհվել է, 17-ը վիրավորվել:
«Դեպքի վայրից 15 մարդու դիակ դուրս է բերվել կիրճից: 10 ուղևորների առողջական վիճակը գնահատվել է ծայրահեղ ծանր, որոնց ուղղաթիռներով տեղափոխել են մոտակա հիվանդանոց»,- ասել է գործակալությանը տեղական ոստիկանության Ռաֆիկ ուլ-Հասան:
Ոստիկանության տվյալներով, միկրոավտոբուսը Ռամբանից ուղևորվում էր Բանիհալ քաղաք: Մարուֆ գյուղի մոտակայքում վարորդը կորցրել է ղեկի կառավարումը ,դուրս եկել երթևեկելի գոտուց ու ընկել ձորը:
