ՀՔԾ-ն Yerevan Today կայքի խմբագրությունում խուզարկության վերաբերյալ տեղեկություններ չունի
Հայաստանի հատուկ քննչական ծառայությունը տեղեկություններ չունի Yerevan Today կայքի խմբագրությունում խուզարկության մասին: «Արմենպրես»-ի հետ զրույցում ՀՔԾ մամուլի խոսնակ Մարինա Օհանջանյանը, արձագանքելով լրատվամիջոցներում տարածված տեղեկատվությանը, թե ՀՔԾ-ն ու ոստիկանությունը Yerevan Today կայքի խմբագրությունում խուզարկություն են իրականացնում, նշեց, որ ՀՔԾ-ն այդ մասին տեղեկություններ չունի:
Լրատվամիջոցներում տեղեկություններ են տարածվել, թե ոստիկանությունն ու հատուկ քննչական ծառայությունը խուզարկություն են իրականացնում Yerevan Today կայքի խմբագրությունում:
