Ահազանգով դեպքի վայր մեկնած փրկարարները դի են հայտնաբերել
Օգոստոսի 28-ին, ժամը 11:06-ին «911» ծառայությանն ահազանգ է ստացվել, որ Երևան քաղաքի Բաղրամյան պողոտայի թիվ 71 շենքի բնակարաններից մեկի բնակիչը չի արձագանքում դռան թակոցներին և հեռախոսազանգերին. անհրաժեշտ է փրկարարների օգնությունը:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Փրկարարները բացել են բնակարանի դուռը և սանհանգույցի դռան մոտ հայտնաբերել Ռ. Գ.-ի (ծնված 1943 թ.) դին:
