Պակիստանում հանքահորի պայթյունի հետևանքով զոհվել է 34 մարդ․ Al Jazeera
Պակիստանի Բելուջիստան նահանգում հանքահորում տեղի ունեցած պայթյունի հետևանքով զոհվել է 34 մարդ, հաղորդում է Al Jazeera-ն։
Հաղորդվում է, որ փրկարարները փլատակների տակից դուրս են բերել ևս վեց մարմին, ինչի հետևանքով զոհերի թիվը հասել է 34-ի։
Նախնական տվյալներով՝ պայթյունի պատճառը հանքահորում կուտակված մեթանն է եղել։ Փլատակների տակ դեռևս մարդիկ կան, իսկ փրկարարները շարունակում են որոնողափրկարարական աշխատանքները։
