Էրդողանը մեղադրել է Իսրայելին Մերձավոր Արևելքում լարվածության սրման մեջ. Հետևանքները զգում է ամբողջ տարածաշրջանը
Թուրքիայի նախագահ Ռեջեփ Թայիփ Էրդողանը հայտարարել է, որ Իսրայելի գործողությունները հանգեցնում են Մերձավոր Արևելքի հետագա ապակայունացմանը, հայտնում է Anadolu-ն։
Նրա գնահատմամբ՝ Իսրայելը «աստիճանաբար բռնազավթում է պաղեստինյան տարածքները»՝ անտեսելով միջազգային իրավունքն ու մարդու հիմնարար իրավունքները։
Էրդողանը նշել է, որ հակամարտության հետևանքներն զգում են ոչ միայն պաղեստինցիներն ու լիբանանցիները, այլև ամբողջ տարածաշրջանը, ներառյալ տարբեր կրոնական համայնքներ։ Նա ընդգծել է, որ կատարվողն ուժեղացնում է լարվածությունը և նոր ռիսկեր է ստեղծում տարածաշրջանային կայունության համար։
Խոսելով տնտեսության մասին՝ թուրք առաջնորդը հայտարարել է, որ երկիրը շարունակում է ամրապնդել արտադրության, լոգիստիկայի, տարանցիկ առևտրի և տեխնոլոգիաների տարածաշրջանային կենտրոնի դիրքերը։ Ըստ նրա՝ Թուրքիան պահպանում է կայունությունը՝ չնայած գլոբալ անկայունությանը և տարածաշրջանային հակամարտությունների հետևանքներին։
Էրդողանը հավելել է, որ կառավարությունը միջոցներ է ձեռնարկում ռազմական ճգնաժամերի տնտեսական հետևանքները նվազագույնի հասցնելու և թուրքական տնտեսության կայունությունը պահպանելու համար։
