Թրամփը հայտարարել է, որ «խիստ հիասթափված» կլինի Սի Ծինփինից Իրանին զենք մատակարարելու դեպքում
ԱՄՆ նախագահ Դոնալդ Թրամփը չորեքշաբթի հայտարարել է, որ «խիստ հիասթափված» կլինի ՉԺՀ նախագահ Սի Ծինփինից, եթե Չինաստանը զենք մատակարարի Իրանին, հաղորդում է CNN հեռուստաալիքը։
«Դա զարմանալի կլիներ»,- ասել է Թրամփը Օվալաձև աշխատասենյակում լրագրողներին՝ պատասխանելով հնարավոր մատակարարումների մասին հարցին։
«Նման բաներ պատահում են, բայց դա անսպասելի կլիներ։ Նա (Սի Ծինփինը) ինձ շատ հաստատակամորեն ասել է, որ չի մասնակցի դրան, և նա գիտի, որ եu խիստ հիասթափված կլինեի»,- հավելել է ԱՄՆ նախագահը։
ԱՄՆ նախագահի հայտարարությունը հնչել է Reuters-ի այն հրապարակումից հետո, ըստ որի՝ ակնկալվում է, որ Թեհրանն առաջիկա շաբաթներին կարող է Չինաստանից 300–400 դյուրակիր զենիթահրթիռային համալիրների խմբաքանակ ստանալ ։ Գործակալության տվյալներով՝ գործարքի արժեքը գնահատվում է 60–70 միլիոն դոլար։
Ավելի վաղ CNN հեռուստաալիքը հայտնել էր, որ ամերիկյան հետախուզությունը տեղեկություն է ստացել Չինաստանի կողմից Իրանին հակաօդային պաշտպանության նոր համակարգերի մատակարարման հնարավոր նախապատրաստման մասին: Աղբյուրների տվյալներով՝ Թեհրանը ձգտում է համալրել սպառազինության առանձին տեսակների պաշարները առանցքային արտաքին գործընկերների աջակցությամբ։
