Սթիվ Ուիտկոֆը և Ջարեդ Քուշները կարող են այցելել Կիև առաջիկա երկու շաբաթվա ընթացքում. FT
Financial Times-ի՝ Ուկրաինայում թղթակից Քրիստոֆեր Միլերը հայտնել է, որ Սթիվ Ուիտկոֆը և Ջարեդ Քուշները համաձայնել են առաջին անգամ այցելել Կիև:
«Սթիվ Ուիտկոֆը և Ջարեդ Քուշները համաձայնել են առաջին անգամ այցելել Կիև՝ Ուկրաինայում Ռուսաստանի պատերազմը դադարեցնելու դիվանագիտական ջանքերը վերսկսելու փորձի շրջանակում, հայտնել են Թրամփի, Զելենսկու և նրանց օգնականների միջև երեքշաբթի օրը Օվալաձև կաբինետում կայացած հանդիպման ընթացքում բանակցությունների ընթացքին ծանոթ աղբյուրները»,-գրել է Միլերը X սոցիալական ցանցում:
Չնայած հստակ ժամկետները դեռևս որոշված չեն, և պլանները միշտ կարող են փոխվել, Թրամփի և Զելենսկու թիմերն ակնկալում են, որ Ուիտկոֆն ու Քուշները Կիև կայցելեն առաջիկա երկու շաբաթվա ընթացքում։
