Իրաքը հերքել է Իրանին ԱՄՆ-ի կողմից հրադադարի առաջարկ փոխանցելու մասին տեղեկությունները
Իրաքի իշխանությունները հերքել են այն տեղեկությունները, որ վարչապետ Ալի Ֆալեհ ալ-Զայիդին հուլիսի 23-ին Թեհրան կատարած այցի ժամանակ Իսլամական Հանրապետության ղեկավարությանը փոխանցել է ԱՄՆ-ի կողմից հրադադարի առաջարկը, որը, ենթադրաբար, մերժվել է Իրանի իշխանությունների կողմից: Այս մասին ասվում է Իրաքի վարչապետի մամուլի ծառայության հատուկ հայտարարության մեջ։
«2026 թ. հուլիսի 23-ին The New York Times-ում հրապարակված հոդվածի առնչությամբ վարչապետի մամուլի ծառայությունը հաստատում է, որ դրանում ներկայացված պնդումներն անհիմն են և իրականությանը չեն համապատասխանում», – հայտարարությունից հատված է մեջբերում իրաքյան INA գործակալությունը
Նշվում է, որ վարչապետի գրասենյակը կոչ է անում լրատվամիջոցներին «ճշգրիտ լինել, հիմնվել պաշտոնական աղբյուրների վրա և չտարածել չհաստատված կամ անհայտ աղբյուրներին վերագրվող տեղեկատվություն»:
Ավելի վաղ The New York Times-ը, հղում անելով աղբյուրներին, հայտնել էր, որ Թեհրանը մերժել է Վաշինգտոնի կողմից Իրաքի վարչապետի միջոցով փոխանցված հրադադարի առաջարկը։
