Անօդաչուների «որսորդը». Պուտինին առաջին անգամ ցուցադրել են Յակ-130Մ-ը
Ռուսաստանի նախագահ Վլադիմիր Պուտինն այցելել է Իրկուտսկի ավիացիոն գործարան, որտեղ, մասնավորապես, նրան ցուցադրել են արդիականացված Յակ-130Մ ուսումնամարտական ինքնաթիռը:
Նախագահին ուղեկցել են Իրկուտսկի մարզպետ Իգոր Կոբզևը, «Ռոստեխ» պետական կորպորացիայի ղեկավար Սերգեյ Չեմեզովը և Իրկուտսկի ավիացիոն գործարանի գլխավոր տնօրեն Անդրեյ Սոյնովը:
Ինքնաթիռն ակտիվորեն օգտագործվում է Ռուսաստանի և մի շարք այլ երկրների օդատիեզերական ուժերի օդաչուների վերապատրաստման համար։ Ներկայում այդ մեքենաներից գործում է մոտ 110-ը։ Դեռևս 2024 թվականին պաշտոնապես հայտարարվեց, որ արդիականացված Յակ-130-ը սարքավորումների մասով ստացել է БРЛС-130Р բորտային ռադիոլոկացիոն կայան, СОЛТ-130К օպտիկական-լազերային ջերմային հեռատեսիլ համակարգ, «Պրեզիդենտ-С130» պաշտպանական համալիր և КСС-130կապի համալիր։
Ինքնաթիռը կարող է ինչպես գիշերվա, այնպես էլ ցերեկվա ընթացքում պայքարել ցամաքային և օդային թիրախների, այդ թվում՝ ծանր ԱԹՍ-ների դեմ։
