ԱՄՆ ազգային հետախուզության ապարատը հունիսից կրճատել է շուրջ 200 աշխատակցի. WP
ԱՄՆ ազգային հետախուզության տնօրենի ապարատը հունիսի սկզբից կրճատել կամ այլ պաշտոնների է տեղափոխել շուրջ 200 աշխատակցի։ Այս մասին հայտնել է The Washington Post-ը՝ հղում կատարելով ԱՄՆ վարչակազմի Կոնգրես ուղարկած տվյալներին։
Պարբերականի տեղեկություններով՝ կրճատումներն ավելի լայնածավալ են եղել, քան հաղորդվում էր ավելի վաղ։ Եթե Դոնալդ Թրամփի նախագահության երկրորդ ժամկետի սկզբում ապարատում աշխատում էր շուրջ 2 հազար մարդ, ապա այժմ աշխատակազմի թվաքանակը գրեթե կրկնակի կրճատվել է։
Հունիսին CNN հեռուստաալիքը հաղորդել էր, որ ազգային հետախուզության տնօրենի պաշտոնակատար Բիլ Փուլթին սկսել է գերատեսչության լայնածավալ վերակազմավորումը։ Հեռուստաալիքի տվյալներով՝ Թրամփն ակնկալում էր, որ Փուլթին կանցկացնի հարյուրավոր աշխատակիցների կրճատում։
Հուլիսի 21-ին Սենատի հետախուզության հարցերով հատուկ կոմիտեն խորհուրդ է տվել հաստատել Ջեյ Քլեյթոնի թեկնածությունն ազգային հետախուզության տնօրենի պաշտոնում։ Նրա առաջադրման մասին Թրամփը հայտնել էր հունիսի 11-ին։ Այժմ թեկնածությունը պետք է հաստատի ԱՄՆ Սենատը։
