Եվրամիության 16 երկրների պետական պարտքը թարմացրել է պատմական առավելագույնը
Եվրոպական միության (ԵՄ) 16 երկրներում պետական պարտքի ծավալը առաջին եռամսյակի արդյունքներով հասել է աննախադեպ բարձր ցուցանիշների։ Այս մասին հուլիսի 22-ին պարզ է դարձել Եվրոստատի հրապարակած տվյալներից։
Տարվա առաջին չորս ամսում ԵՄ 27 անդամ երկրների ընդհանուր պարտքն ավելացել է 327․3 միլիարդ եվրոյով՝ հասնելով ժամանակակից պատմության մեջ ռեկորդային՝ 15.705 տրիլիոն եվրոյի։ Պաշտոնական կառույցը նման վիճակագրություն է հրապարակում 1994 թվականից ի վեր։
Ամենամեծ պարտքը գրանցվել է Ֆրանսիայում․ այստեղ ցուցանիշը մեկ եռամսյակում աճել է 75․6 միլիարդ եվրոյով՝ հասնելով 3.536 տրիլիոն եվրոյի։
Երկրորդ հորիզոնականում Իտալիան է, որի պետական պարտքը հասել է պատմական առավելագույնին՝ 3.158 տրիլիոն եվրոյի (նախկին 3.096 տրիլիոնի փոխարեն)։ Հակառեկորդակիրների եռյակը եզրափակում է Գերմանիան, որի պարտքն ավելացել է՝ նախորդ եռամսյակի 2.838 տրիլիոնից հասնելով 2.902 տրիլիոն եվրոյի։
