Իսպանիայի կենտրոնական մասում հրդեհի մակերեսը կազմել է ավելի քան 26 000 հեկտար
Իսպանիայի կենտրոնական մասում մոլեգնող անտառային հրդեհի մակերեսը գերազանցել է 26 000 հեկտարը։ Այս մասին X-ում հայտնել է Կաստիլիա-Լա Մանչա Ինքնավար Համայնքի կառավարության ղեկավար Էմիլիանո Գարսիա Պախեն։
Անտառային հրդեհը բռնկվել է հուլիսի 16-ին Լա Միեռլա մունիցիպալիտետի շրջանում։ Ըստ Կաստիլիա-Լա Մանչայի ղեկավարի՝ սա տարածաշրջանում գրանցված ամենախոշոր հրդեհն է։ Նա նշել է, որ տարերքի դեմ պայքարի համար ուղարկվել են ռեկորդային թվով մարդիկ և ավիացիոն տեխնիկա։
Անվտանգության նկատառումներով տարհանվել է մի շարք բնակավայրերի ավելի քան 1000 բնակիչ։ Հրդեհի հետևանքով տուժածների մասին չի հաղորդվում։
Հուլիսի 9-ին Անդալուսիայի Ինքնավար Համայնքում սկսվել է անտառային հրդեհ, որի զոհ է դարձել 13 մարդ։ Զոհվածների մեծ մասն օտարերկրացիներ են:
