Drop Site News. Իրանը Թրամփի մերձավորներին մեղադրում է բանակցություններն ի շահ իրենց օգտագործելու մեջ
«Drop Site News» պարբերականի տվյալներով՝ Շվեյցարիայում ընթացող բանակցությունների ժամանակ Իրանը գաղտնի ուղերձ է հղել ԱՄՆ փոխնախագահ Ջեյ Դի Վենսին՝ զգուշացնելով, որ Ջարեդ Քուշներն ու Սթիվ Ուիթքոֆը իբր չարաշահում են բանակցային գործընթացը։ Ըստ Թեհրանի՝ նրանք ավելի շատ շահագրգռված են ինսայդերական տեղեկատվության հաշվին շահույթ ստանալով, քան համաձայնության հասնելով։
Իրանական կողմը հայտարարել է, որ «Թրամփին մոտ կանգնած անձանց» եկամուտը շուկայական ենթադրյալ մանիպուլյացիաներից գնահատվում է 9 միլիարդ դոլար, և պաշտոնապես պահանջել է միջնորդների միջոցով այդ գումարից 4,5 միլիարդ դոլարը փոխանցել Իրանին։
Իրանի ներկայացուցչի խոսքով՝ «փոխանակված տեքստերն ի վերջո կդառնան պատմական փաստաթղթերի մաս»։
Թեհրանը նաև մտահոգություն է հայտնել, որ Քուշներն ու Ուիթքոֆը «գրեթե ամենօրյա կապի մեջ են Նեթանյահուի և «Մոսադի» ղեկավարի հետ»՝ իսրայելական հետախուզությանը փոխանցելով բանակցությունների ընթացքում ստացված ներքին տեղեկատվությունը։
Թրամփի վարչակազմը հերքում է այս մեղադրանքները։ Իրանը պնդում է, որ համապատասխան ապացույցները կհրապարակվեն։
Եթե այս տեղեկությունը հաստատվի, ապա խոսքը կարող է գնալ ժամանակակից դիվանագիտության պատմության մեջ խոշորագույն ֆինանսական սկանդալներից մեկի մասին։
