Մեսսին կրկնել է Կաֆուի բացառիկ ռեկորդն ԱԱ-ում ու ևս մեկ նոր ռեկորդ գրանցել
Լիոնել Մեսսին մասնակցում է իր երրորդ Աշխարհի առաջնության եզրափակչում։ 39-ամյա արգենտինացի հարձակվողը մեկնարկային կազմում է 2026 թվականի Աշխարհի առաջնության եզրափակչում Իսպանիայի դեմ։
Մեսսին հավասարվեց բրազիլացի նախկին պաշտպան Կաֆուի նվաճմանը, որը խաղացել է Աշխարհի առաջնության երեք անընդմեջ եզրափակիչներում՝ 1994, 1998 և 2002 թվականներին։ Բայց, ի տարբերություն Կաֆուի, Մեսսին բոլոր եզրափակիչներին մասնակցել է առաջին րոպեներից։
Մեսսին խաղացել է 2014 թվականին Գերմանիայի դեմ և պարտվել, բայց 2022 թվականին նա Արգենտինայի հետ հաղթել է Ֆրանսիային։
Մի քանի այլ ֆուտբոլիստներ իրենց թիմերի հետ ևս հասել են Աշխարհի առաջնության երեք եզրափակիչի, բայց բաց են թողել բոլոր երեք վճռորոշ խաղերից որևէ մեկը վնասվածքի կամ այլ պատճառներով։
Պելեն պատմության մեջ միակ եռակի Աշխարհի առաջնության չեմպիոնն է (1958, 1962, 1970), բայց նա բաց է թողել 1962 թվականի եզրափակիչը վնասվածքի պատճառով։ Ռոնալդոն (1994, 1998, 2002) չի մասնակցել իր առաջին Աշխարհի առաջնության եզրափակիչին։
Բացի այդ, Լիոնել Մեսսին դարձավ պատմության մեջ ամենատարեց ֆուտբոլիստը (դարպասապահներին չհաշված), որը խաղացել է Աշխարհի առաջնության եզրափակչում։ 39 տարեկան և 25 օրական հասակում արգենտինացի հարձակվողը մեկնարկային կազմում է 2026 թվականի Աշխարհի առաջնության եզրափակիչում՝ Իսպանիայի դեմ խաղում։
ArmSport
