ԱՄՆ-ում սենատորի թեկնածուին մեղադրել են սեռական ոտնձգություն կատարելու համար
ԱՄՆ Մեյն նահանգից Սենատի թեկնածու Գրեհեմ Պլատների նախկին զուգընկերուհին պնդում է, որ Պլատները մոտ հինգ տարի առաջ իրեն ստիպել է սեռական հարաբերություն ունենալ իր հետ՝ չնայած իր անհամաձայնությանը։ Պլատները, սակայն, հերքում է կնոջ պնդումը․ գրում է Politico-ն։
Կինը՝ Մեյն նահանգի 41-ամյա բնակչուհի Ջենի Ռասիկոն է։ Նա հայտարարել է, որ Պլատների հետ ավելի քան երկու տարի շարունակ ունեցել է ընդհատվող հարաբերություններ։ Կնոջ խոսքով՝ 2021 թվականի վերջին մի գիշեր Պլատներն, առանց հրավերի, հարբած վիճակում մուտք է գործել Մեյնի գյուղական հատվածում գտնվող իր տուն և ստիպել է իրեն սեռական հարաբերություն ունենալ իր հետ։
Ռասիկոն նշել է, որ միջադեպից հետո դադարեցրել է Պլատների հետ կապը։
Պլատները հերքել է մեղադրանքները։
«Այս մեղադրանքները մտահոգիչ են, լուրջ և կեղծ։ Ոչ փոխադարձ համաձայնությամբ որևէ արարքի վերաբերյալ ցանկացած պնդում բացարձակապես չի համապատասխանում իրականությանը», – ասել է նա։
