Մեծ Բրիտանիան, Նիդերլանդները, Ֆինլանդիան և Լեհաստանը առաջ են մղում պաշտպանության ֆինանսավորման նոր մեխանիզմ
Մեծ Բրիտանիան, Նիդերլանդները, Ֆինլանդիան և Լեհաստանը հայտարարել են պաշտպանության ֆինանսավորման նոր՝ «Բազմակողմ պաշտպանական մեխանիզմի» (MDM) մշակման գործում գրանցված զգալի առաջընթացի մասին, որը կոչված է մասնավոր ներդրումներ ներգրավել դաշնակիցների պաշտպանունակության ամրապնդման համար։
Չորս երկրների համատեղ հայտարարության համաձայն՝ նախատեսվում է մեխանիզմի ստեղծումն ավարտին հասցնել մինչև 2027 թվականը։ Աշնանը պետությունները մտադիր են անցնել նախագծի հաջորդ փուլին և ընդլայնել դրա մասնակիցների կոալիցիան։
Ակնկալվում է, որ սա թույլ կտա դաշնակիցներին ավելի արդյունավետ համակարգել պաշտպանական ծախսերը և ուժեղացնել օպերատիվ համատեղելիությունը ՆԱՏՕ-ի շրջանակներում։
