Հայտնի են ամենաբարձր և ամենացածր վարձատրվող ոլորտները Վրաստանում

Ազգային վիճակագրական ծառայության (Geostat) տվյալներով՝ 2026 թվականի 1-ին եռամսյակում Վրաստանում միջին ամսական անվանական աշխատավարձը, նախորդ տարվա նույն  ժամանակահատվածի համեմատ, աճել է 8.9%-ով (193.7 լարիով) և կազմել 2363.8 լարի։ Այս մասին գրում է aliq.ge-ն։

Նույն վիճակագրության համաձայն՝ հաշվետու ժամանակահատվածում վարձու աշխատողների միջին ամսական անվանական աշխատավարձն ամենաբարձրը եղել է ֆինանսական և ապահովագրական գործունեության ոլորտում՝ 5953 լարի։

Որո՞նք են ամենացածր և ամենաբարձր վարձատրվող գործունեության տեսակները Վրաստանում։

Գործունեության այն 5 ոլորտները, որտեղ 2026 թվականի 1-ին եռամսյակում միջին ամսական աշխատավարձը ամենաբարձրն է եղել`

Ֆինանսական և ապահովագրական գործունեություն- 5953 լարի,

Տեղեկատվություն և կապ (ՏՀՏ)- 4291 լարի,

Հանքագործական արդյունաբերություն և բաց հանքերի շահագործում- 3230 լարի,

Մասնագիտական, գիտական և տեխնիկական գործունեություն– 3186 լարի,

Շինարարություն– 3164 լարի։

Ազգային վիճակագրական ծառայության տվյալներով՝ հաշվետու ժամանակահատվածում ամենացածր միջին ամսական անվանական աշխատավարձը գրանցվել է կրթության ոլորտում։

Գործունեության այն 5 ոլորտները, որտեղ 2026 թվականի 1-ին եռամսյակում ամենացածր վարձատրությունն է եղել.

Վարչարարական և օժանդակ գործունեություն- 1776 լարի,

Կացության և հանրային սննդի կազմակերպում (հյուրանոցային և ռեստորանային բիզնես)- 1751 լարի,

Ջրամատակարարում, կոյուղի, թափոնների կառավարում և մաքրման գործունեություն– 1621 լարի,

Գյուղատնտեսություն, անտառային տնտեսություն և ձկնորսություն– 1509 լարի,

Կրթություն- 1423 լարի։