Ոստիկանությունը մանրամասներ է հայտնել երեխաներին էքսկուրսիա տանող ավտոբուսի վթարից
Պարեկային ծառայության կարգախմբից ՆԳՆ 112 օպերատիվ կառավարման կենտրոն հունիսի 17-ին, ժամը 12․12-ի սահմաններում հաղորդում է ստացվել, որ Արագածոտնի մարզի Սասունիկ բնակավայրում ճանապարհատրանսպորտային պատահար է տեղի ունեցել, կան տուժածներ։
Այս մասին հաղորդագրություն է տարածել ՀՀ ՆԳՆ ոստիկանությունը։
Պարզվել է, որ դպրոցական երեխաներին էքսկուրսիա տանող ավտոբուսը Աշտարակ-Սասունիկ ճանապարհին կողաշրջվել է։ Նախնական տվյալներով՝ երեխաներն ու մեծահասակաները ստացել են համապատասխան բուժօգնություն, երեք երեխա տեղափոխվել է Երևան՝ լրահետազոտման։
ՀՀ առողջապահության նախարարությունը քիչ առաջ հաղորդել էր, որ վթարի հետևանքով բուժօգնության են դիմել 30 երեխա և 6 մեծահասակ։
