Ռուսաստանը Չինաստանի հետ առանց վիզայի ռեժիմը կերկարաձգի մինչև 2027 թվականի վերջ
Ռուսաստանը նախատեսում է մինչև 2027 թվականը երկարաձգել առանց վիզայի ռեժիմը Չինաստանի հետ։ Ինչպես տեղեկանում ենք ՏԱՍՍ գործակալությունից, այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը։
«Առանց վիզայի ռեժիմը շատ դրական արդյունք է տվել»,- հավելել է նա։
Պեկինի նախաձեռնած առանց վիզա ռեժիմի ժամկետը պետք է լրանար սեպտեմբերի կեսերին։ Չինաստանի արտաքին գործերի նախարարությունը հայտարարել է մինչև 2027 թվականի դեկտեմբերի 31-ը դրա երկարաձգման մասին։
Ռուսաստանի նախագահի օգնական Յուրի Ուշակովի տեղեկացմամբ՝ առանց վիզայի ռեժիմի ժամանակահատվածում Ռուսաստան է այցելել 2 միլիոն չինացի, իսկ Չինաստան՝ մոտ 1 միլիոն ռուս։
Ռուսաստանի նախագահ Վլադիմիր Պուտինը բարձր է գնահատել առանց վիզայի ռեժիմի կիրառման արդյունավետությունը։
Այս կարգավորմամբ՝ Ռուսաստանի քաղաքացիներին թույլ է տրվում մինչև 30 օր ժամկետով առանց վիզայի մուտք գործել Չինաստան։
