ՆԱՏՕ-ն քննարկում է Հորմուզի նեղուցով նավերն ուղեկցելու հնարավոր առաքելությունը. Bloomberg
ՆԱՏՕ-ն դիտարկում է Հորմուզի նեղուցով անցնող առևտրային նավերին օգնություն ցուցաբերելու հնարավորությունը, եթե այդ ռազմավարական կարևորություն ունեցող ծովային ուղին կրկին չբացվի մինչև հուլիսի սկիզբը։ Դրա մասին հայտնել է Bloomberg-ը՝ հղում անելով ռազմական դաշինքի բարձրաստիճան ներկայացուցչին։
Ըստ ՆԱՏՕ-ի անդամ երկրներից մեկի դիվանագետի՝ այդ նախաձեռնությունն արդեն արժանացել է դաշինքի մի շարք անդամ պետությունների աջակցությանը, սակայն տվյալ պահին դեռևս անհրաժեշտ միաձայն հավանությունը չունի։
ՆԱՏՕ-ի ներսում քննարկվում է ռազմածովային առաքելության տարբերակը, որը կարող է ապահովել նեղուցով առևտրային նավերի անվտանգ անցումը, ինչը կրիտիկական նշանակություն ունի համաշխարհային էներգետիկ առևտրի համար։
Ակնկալվում է, որ ՆԱՏՕ-ի անդամ երկրների առաջնորդները հարցը կքննարկեն հուլիսի 7-8-ին Անկարայում անցկացվելիք գագաթնաժողովում։
