Հայաստանը նահանջել է մամուլի ազատության համաշխարհային ինդեքսում
«Լրագրողներ առանց սահմանների» (RSF) միջազգային կազմակերպությունը հրապարակել է «Մամուլի ազատության ինդեքս 2026» զեկույցը։ Ի տարբերություն նախորդ տարվա ցուցանիշի՝ 34-րդ հորիզոնական, Հայաստանը հետընթաց է գրանցել՝ աշխարհի 180 երկրների շարքում զբաղեցնելով 50-րդ հորիզոնականը։
Ընդ որում, հետընթացը գրանցվել է բոլոր 5 ցուցիչներով՝ Հայաստանի ցուցանիշը դասվել է «խնդրահարույց» կատեգորիայի ներքո։
Ինչպես նշում է իրավապաշտպան կազմակերպությունը, «չնայած Հայաստանն ունի բազմազան մեդիադաշտ, այն բևեռացված է», որ Հայաստանում ապատեղեկատվության և ատելության խոսքի մակարդակն աննախադեպ է և պայմանավորված է «ներքաղաքական լարվածությամբ, երկրի սահմաններին անվտանգության խնդիրներով և Ռուսաստանի ու Եվրամիության միջև Հայաստանի բարդ իրավիճակով»։
Չնայած ցուցանիշների նվազմանը, Հայաստանը տարածաշրջանում շարունակում է առաջատարը լինել։
Հիշեցնենք, որ 2024 թվականին Հայաստանը զբաղեցրել էր 49-րդ հորիզոնականը։
