Ֆինլանդիայում մեկնաբանել են երկրում միջուկային զենք տեղակայելու ծրագրերը
Ֆինլանդիայում միջուկային զենքի տեղակայման հարցը չի բարձրացվել մինչև երկրի ՆԱՏՕ-ին անդամակցելը: Այս մասին РИА Новости-ի հետ զրույցում հայտարարել է ֆին քաղաքական գործիչ և «Ազատության դաշինք» կուսակցության անդամ Արմանդո Մեման՝ մեկնաբանելով Ֆինլանդիայի իշխանությունների կողմից երկրում միջուկային զենքի ներմուծումն ու պահպանումը թույլատրելու ծրագրերը։
Ապրիլի 23-ին Ֆինլանդիայի կառավարությունը խորհրդարանին ներկայացրեց «Ատոմային էներգիայի մասին» օրենքում և Քրեական օրենսգրքում փոփոխություններ կատարելու առաջարկ, որը կվերացնի երկրում միջուկային զենքի ներմուծման, արտադրության, պահպանման և օգտագործման գործող արգելքը:
«ՆԱՏՕ-ին անդամակցելուց առաջ միջուկային զենք տեղակայելու գաղափարը բացառվում էր, բայց Ֆինլանդիայի՝ ՆԱՏՕ-ին անդամակցելուց հետո այն հանկարծակի դարձավ առաջնահերթություն»,- ասել է գործակալության աղբյուրը։
