Արմեն Աշոտյանը 6 կուսակցությունների նամակը ԵՄ-ին հանձնեց ԵՄ պատվիրակության անվտանգության աշխատակցին
Երևանում ԵՄ գրասենյակի դիմաց բողոքի ակցիա է ընթանում: Ընդդիմադիր 6 կուսակցությունները պահանջում են, որ ԵՄ կառույցներն աչք չփակեն ՀՀ կառավարության անօրինական գործողությունների վրա և բարձրաձայնեն այն ճնշման մասին, որ կիրառվում է ընդդիմադիր ուժերի, ոչ իշխանամետ լրատվամիջոցների և ակտիվիստների նկատմամբ։
Հիշեցնենք, որ երեկ Հայաստանի 6 քաղաքական ուժեր Երևանում կայանալիք Եվրոպական քաղաքական համայնքի գագաթնաժողովին մասնակցող պետությունների ղեկավարներին և ԵՄ ղեկավարությանը նամակ են հասցեագրել` ներկայացնելով երկրում տիրող իրավիճակը և նշելով, որ ԵՔՀ գագաթնաժողովի անցկացումը Երևանում հղի է վտանգավոր քաղաքական ուղերձի հղումով, այն է` ժողովրդավարական նահանջը կարող է անտեսվել, երբ դա քաղաքականապես հարմար է։
Ընդդիմադիր ուժերն այսօր նամակը հանձնեցին ՀՀ-ում ԵՄ–ի դեսպանին։
