Ներգաղթյալներին ԱՄՆ գրին քարտ չեն տա՝ հակաիսրայելական քաղաքական հայացքներ արտահայտելու պատճառով. NYT
Տասնամյակներ շարունակ կանոններին հետեւող եւ օրենքը չխախտող ներգաղթյալները հույս ունեին ստանալ գրին քարտ՝ փաստաթուղթ, որը թույլ է տալիս նրանց օրինականորեն բնակվել Միացյալ Նահանգներում եւ ստանալ քաղաքացիություն։
Սակայն ԱՄՆ նախագահ Դոնալդ Թրամփի վարչակազմի նոր ուղեցույցի համաձայն՝ ներգաղթյալներին այժմ կարող են մերժել գրին քարտերի տրամադրումը քաղաքական հայացքներ արտահայտելու համար, ինչպիսին են պաղեստինամետ համալսարանական բողոքի ցույցերին մասնակցելը, սոցիալական ցանցերում Իսրայելի քննադատությունը հրապարակելը եւ ամերիկյան դրոշը պղծելը, համաձայն ներքին անվտանգության նախարարության ներքին ուսումնական նյութերի, որոնց ծանոթացել է New York Times-ը։
Փաստաթղթերը, որոնց մասին ավելի վաղ չէր տեղեկացվում, ցույց են տալիս, թե որքան ակտիվ է Թրամփի վարչակազմը կատարում անցյալ տարվա օգոստոսին գրին քարտի դիմորդներին «հակաամերիկյան» եւ «հակասեմական» հայացքների համար ստուգելու վերաբերյալ տրված հրահանգը։
