ՆԱՏՕ գագաթաժողովի առանցքային թեման կդառնա պաշտպանական ծախսերի վերաբաշխումը. Սթուբ

Ֆինլանդիայի նախագահ Ալեքսանդեր Ստթուբը հայտնել է, որ Անկարայում կայանալիք ՆԱՏՕ գագաթաժողովի գլխավոր հարցը կլինի ԱՄՆ եւ եվրոպական դաշնակիցների միջեւ պաշտպանական ծախսերի վերաբաշխումը։

Նրա խոսքով՝ ծախսերի ներկա հարաբերակցությունը մոտավորապես 60-40 է ԱՄՆ-ի օգտին, սակայն դաշինքը շարժվում է դեպի ավելի հավասար բաշխում՝ նույնիսկ մինչեւ 50-50, կամ նույնիսկ Եվրոպայի համար ավելի մեծ բաժնեմասով։

Սթուբը նշել է, որ դաշինքի երկրների ռազմական ծախսերը ՀՆԱ 5 տոկոսին հասցնելը կարող է քայլ լինել դեպի «ավելի եվրոպական ՆԱՏՕ»-ի ստեղծմանը։ Նա նաեւ մատնանշել է ԱՄՆ-ի եւ Եվրոպայի միջեւ առկա տարաձայնությունները եւ ընդգծել է եվրոպական երկրների համար անվտանգության հարցերում ավելի մեծ ինքնավարության անհրաժեշտությունը։

Ավելի վաղ The Daily Telegraph-ը հայտնել էր, որ ԱՄՆ-ը քննարկում է դաշնակիցների վրա ճնշում գործադրելու միջոցներ՝ նրանց պաշտպանական ծախսերի ավելացումը կանխելու համար, ներառյալ դաշինքի մեխանիզմներին նրանց մասնակցության հնարավոր սահմանափակումները։

ՀՆԱ 5 տոկոսի նպատակը պաշտպանության համար մինչեւ 2035թ․ համաձայնեցվել է Հաագայում կայացած ՆԱՏՕ գագաթաժողովում։