ԱՄՆ-ը չի դիտարկում Եվրոպան որպես միջնորդ Իրանի հետ բանակցություններում. Ֆինլանդիայի նախագահ
Վաշինգտոնը Եվրոպային չի տեսնում որպես միջնորդ Իրանի հետ հակամարտության կարգավորման բանակցություններում, քանի որ այդ հարցը կարելի է անվանել Մերձավոր Արևելքի տարածաշրջանի ներքին գործը։ Նման կարծիք է հայտնել Ֆինլանդիայի նախագահ Ալեքսանդր Ստուբը, հաղորդում է ՏԱՍՍ-ը:
«Չեմ կարծում, որ ամերիկացիները ցանկանում են, որ եվրոպացիները լինեն միջնորդներ, ուստի նրանք դիմում են պակիստանցիներին, իսկ դրանից առաջ՝ եգիպտացիներին ու օմանցիներին։ Կարծում եմ՝ սա ավելի շատ տարածաշրջանային մակարդակի միջնորդության հարց է»,- ասել է նա՝ պատասխանելով հարցին, թե կարող է արդյոք Հելսինկին օգնել կարգավորման հարցում՝ հաշվի առնելով Ստուբի մտերիմ հարաբերությունները ԱՄՆ նախագահ Դոնալդ Թրամփի հետ։
Առանձին Ստուբը նշել է, որ Ֆինլանդիան դեռևս որոշում չի կայացրել Մեծ Բրիտանիայի և Ֆրանսիայի կողմից առաջարկված՝ Հորմուզի նեղուցը բացելու առաքելությանը մասնակցելու վերաբերյալ, և նա չունի նավեր տարածաշրջան ուղարկելու համար։ Այնուամենայնիվ, Հելսինկին մտադիր է որոշում կայացնել, երբ ժամանակը գա, և աջակցել առաքելությանը այս կամ այն ձևով։
