Ավստրալիայի վարչապետը կոչ է արել վերսկսել ԱՄՆ-Իրան բանակցությունները
Ավստրալիան կոչ է անում ԱՄՆ-ին և Իրանին հնարավորինս սեղմ ժամկետներում վերադառնալ բանակցությունների սեղանի շուրջ։ Այս մասին ապրիլի 13-ին 9News հեռուստաալիքի եթերում հայտարարել է Ավստրալիայի վարչապետ Էնթոնի Ալբանեզեն։
«Մենք կողմ ենք բանակցությունների վերսկսմանը և ցանկանում ենք, որ Մերձավոր Արևելքում դադարեն մարդկային կորուստներն ու քաղաքացիական ենթակառուցվածքների ավերությունները», — նշել է նա։
Բացի այդ, Ալբանեզեն նշել է, որ Կանբերան հույս ունի հնարավորինս շուտ վերականգնել առևտրային կապերը։ Նրա խոսքով՝ ստեղծված իրավիճակն արդեն իսկ լուրջ ազդեցություն է թողնում համաշխարհային տնտեսության վրա՝ վնասելով ոչ միայն Ավստրալիային, այլև այլ երկրների։
Նա ընդգծել է, որ այս հակամարտությունն ուժեղացնում է գնաճային ճնշումն ամբողջ աշխարհում։ Վարչապետը հույս է հայտնել, որ ճգնաժամը շուտափույթ կհանգուցալուծվի, և կկայացվեն հավասարակշռված որոշումներ՝ հաշվի առնելով հնարավոր հետևանքները։
