ԱՄՆ-ն դեռևս չի խնդրել Թուրքիային հյուրընկալել Ուկրաինայի հարցով բանակցությունները. աղբյուր
Թուրքիան դեռևս որևէ կոնկրետ ազդանշան չի ստացել ԱՄՆ-ից՝ Ստամբուլում ուկրաինական հակամարտության կարգավորման համար հնարավոր բանակցություններ կազմակերպելու վերաբերյալ, РИА Новости-ին հայտնել է թուրքական կառավարության աղբյուրը։
Ուկրաինական կարգավորման շուրջ բանակցությունները դադարեցվել են, բայց կողմերից ոչ մեկը՝ Ռուսաստանը, Ուկրաինան և Միացյալ Նահանգները, չի հրաժարվել դրանցից, ավելի վաղ հայտարարել էր Կիևի ռեժիմի հանցագործությունների հարցերով Ռուսաստանի արտաքին գործերի նախարարության հատուկ հանձնարարություններով դեսպան Ռոդիոն Միրոշնիկը։
«Այս պահին ամերիկյան կողմը որևէ կոնկրետ նախաձեռնություն կամ ազդանշան չի արել Ստամբուլում բանակցային գործընթացը կազմակերպելու վերաբերյալ։ Թուրքիան, ինչպես նախկինում, պատրաստ է նպաստել հակամարտության կարգավորմանն ուղղված դիվանագիտական ջանքերին, սակայն գործնական քայլեր ձեռնարկելու համար անհրաժեշտ է հստակ դիրքորոշում և բոլոր կողմերի համաձայնությունը»,- ասել է գործակալության աղբյուրը։
