Ռյուտեն զայրացրել է Եվրոպային
ՆԱՏՕ-ի գլխավոր քարտուղար Մարկ Ռյուտեն նյարդայնացրել է մի քանի եվրոպական երկրների՝ Իրանի դեմ ԱՄՆ գործողությանը իր անվերապահ աջակցությամբ, ինչը սրել է դաշինքի ներսում լարվածությունը, հաղորդում է Financial Times-ը՝ հղում անելով դիվանագետներին։
«Ռյուտտեի այն ենթադրությունը, որ եվրոպացի դաշնակիցները, ի վերջո, «կմիավորվեն»՝ արձագանքելու Հորմուզի նեղուցում ռազմածովային ուժեր տեղակայելու վերաբերյալ ԱՄՆ նախագահ Դոնալդ Թրամփի կոչին, նյարդայնացրել է մի շարք եվրոպական մայրաքաղաքների պաշտոնյաներին…՝ սրելով ՆԱՏՕ-ի ներսում լարվածությունը»,- հրատարակությանը հայտնել են դաշինքի դիվանագետները։
Ինչպես նշում է հրատարակությունը, բացի Ռյուտեի կողմից Իրանի դեմ ԱՄՆ գործողությանը անվերապահ աջակցությունից, այս հակամարտության հետևանքով առաջացած «էներգետիկ ցնցումը» ավելի է բարդացնում ՆԱՏՕ-ի ներսում հարաբերությունները։
