Հայտնի են Օսկարի բոլոր դափնեկիրները
Լոս Անջելեսում կայացել է «Օսկար»-ի 98-րդ մրցանակաբաշխությունը:
2026 թվականի լավագույն ֆիլմի համար «Օսկար» է ստացել Փոլ Թոմաս Անդերսոնի «Մարտ մարտի հետևից» ֆիլմը, իսկ լավագույն ռեժիսորի մրցանակը շնորհվեց դրա ստեղծող Փոլ Թոմաս Անդերսոնին:
«Լավագույն ֆիլմ» անվանակարգում հավակնում էին նաև «Բուգոնիա», «Համնետ», «Գաղտնի գործակալ», «Սենտիմենտալ արժեք», «Գնացքների երազներ», «Մարտի Վեհաշուքը», «Ֆրանկենշտեյն» և «F1» ֆիլմերը:
Մրցանակների քանակով երկրորդ տեղում «Մեղավորները» ֆիլմն է, որի համապրոդյուսերն է ամերիկահայ Սև Օհանյանը, և որը ստացել է չորս «Օսկար»:
Մայքլ Բ. Ջորդանը ստացել է լավագույն դերասանի մրցանակը, իսկ Ռայան Քուգլերն արժանացել է «Օսկար»-ի լավագույն օրիգինալ սցենարի համար:
Լավագույն դերասանուհի է ճանաչվել Ջեսի Բաքլին՝ «Համնետ» ֆիլմում դերի համար:
«K-pop դևերի որսորդները» արժանացել է երկու «Օսկարի»՝ լավագույն լիամետրաժ անիմացիոն ֆիլմ և լավագույն երգ անվանակարգերում:
«Լավագույն վավերագրական ֆիլմ» անվանակարգում «Օսկար» է ստացել ամերիկացի ռեժիսոր Դեյվիդ Բորենշտեյնի և ուրալյան Կարաբաշ քաղաքից տեսանկարահանող Պավել Տալանկինի ստեղծած «Պարոն Ոչ ոքն ընդդեմ Պուտինի» ֆիլմը:
