Իրանը հայտնել է ԱՄՆ-ի և Իսրայելի հարվածների հետևանքով վնասված առնվազն 56 մշակութային օբյեկտի մասին
Իրանի մշակույթի նախարարությունը հայտնել է, որ պատերազմի սկզբից ի վեր ամերիկա-իսրայելական հարվածների հետևանքով Իրանի առնվազն 56 մշակութային օբյեկտներ, այդ թվում՝ թանգարաններ և պատմական հուշարձաններ, ստացել են «լուրջ կառուցվածքային վնասներ»։
ISNA լրատվական գործակալության տարածած հայտարարության մեջ նշվում է, որ ցուցակը գլխավորում է Թեհրանի նահանգը՝ 19 վնասված հուշարձանով։
Իրանի մշակույթի նախարարության տվյալներով՝ ևս 12 նշանավոր հուշարձաններ են վնասվել Քուրդիստան նահանգում։
Ավելի վաղ Իրանի արտգործնախարար Աբաս Արաղչին հայտնել էր, որ Իսրայելը ռմբակոծում է 14-րդ դարով թվագրվող իրանական պատմական հուշարձանները։
Նրա խոսքով՝ տուժել են ՅՈՒՆԵՍԿՕ-ի Համաշխարհային ժառանգության բազմաթիվ օբյեկտներ։
